సువార్త సంగీత పండుగలో స్థానిక ఎమ్మెల్యే సుందరపు విజయ్ కుమార్
Rapid TV - Andhra Pradesh / Anakapally : అనకాపల్లి జిల్లా :అచ్చుతాపురం, యేసుక్రీస్తు బోధలు ప్రపంచానికి శాంతి, సమాధానం, దాతృత్వం వంటివి నేర్పించాయని ఎలమంచిలి ఎంఎల్ఏ సుందరపు విజయకుమార్ అన్నారు. మండల కేంద్రములో గల ఫిలడెల్ఫియా చర్చ్ లో సోమవారం రాత్రి జరిగిన సువార్త సంగీత పండుగ కార్యక్రమంలో ఆయన ముఖ్య అతిథిగా పాల్గొన్నారు. ఆయన మాట్లాడుతూ క్రైస్తవ సమాజం ఒక సంగీత పండుగలా చేసుకోవడం వల్ల మనసుకు, ఆధ్యాత్మికతకు చక్కని ఆరోగ్యాన్ని, ఆత్మ సంతృప్తిని ఇస్తుందనీ అన్నారు. పాస్టర్ అలుగు శ్యామ్ కుమార్ ఆధ్వర్యంలో జరిగిన ఈ కార్యక్రమంలో ప్రపంచ ప్రసిద్ధి చెందిన సుప్రసిద్ధ క్రైస్తవ గాయకుడు డాక్టర్ A.R.STEVENSON (ఏ.ఆర్.స్టీవెన్సన్) క్రైస్తవ భక్తి గీతాలను ఆలపించారు. చర్చ్ యూత్ సభ్యులు పాటలకు నృత్యాలు చేస్తూ, ఉత్సాహంగా గడిపారు. Mla సుందరపు విజయకుమార్, స్టీవెన్సన్ లకు క్రైస్తవ నాయకులు శాలువా, పూలమాలలు, పుష్ప గుచ్చాలతో ఘనంగా సన్మానించారు. ఈ కార్యక్రమంలో పాస్టర్లు పీటర్, జాషువా రాయ్, సుధీర్, జయరాజ్, తిమోతి నాయుడు, జయకుమార్, రాజేష్, సుజాత, జ్యోతి, మహేష్ తదితరులు పాల్గొన్నారు.
Reporter
Rapid TV
మరిన్ని వార్తలు
Developed By :
