హోం మంత్రి అనితకు స్వాగతం పలికిన కలెక్టర్ రవి పటాన్ శెట్టి ,ఎస్పీ మురళీకృష్ణ
Rapid TV - Andhra Pradesh / Anakapally : అనకాపల్లి పర్యటనలో భాగంగా హోంమంత్రి వంగలపూడి అనితకు జిల్లా కలెక్టర్ రవి పటాన్ శెట్టి, జిల్లా ఎస్పీ మురళీకృష్ణ స్వాగతం పలికారు అనకాపల్లి జిల్లా అధికారులతో హోం మంత్రి వంగలపూడి అనితకు పరిచయ కార్యక్రమం జరిగింది. ఈ కార్యక్రమంలో అధికారులను ఉద్దేశించి మంత్రి అనిత మాట్లాడారు. అనకాపల్లి జిల్లా ఏర్పడిన తర్వాత అరకొర వసతులతో, తీవ్ర ఇబ్బందుల మధ్య అధికారులు పనిచేస్తున్న విషయం మాకు తెలుసునని, త్వరలోనే అధికారులకు పూర్తిస్థాయి వసతులకు కల్పిస్తాం అని అన్నారు. మా ప్రభుత్వానికి అధికారులందరూ సహకరించండి, ఏటువంటి రాజకీయ ఒత్తిళ్లకు లొంగకుండా రూల్స్ ప్రకారం పని చేయండి అని అన్నారు. గత ప్రభుత్వ హయాంలో కొంతమంది అధికారుల రాజకీయ ఒత్తిళ్లకు తలోగ్గి పనిచేశారు కొంతమంది అధికారులు కావాలని అతిచేసి పని చేశారనీ, ప్రభుత్వానికి చెడ్డ పేరు తెచ్చేలా పనిచేస్తే ఏ అధికారులను ఉపేక్షించేది లేదనీ హెచ్చరించారు.మా ప్రభుత్వం నిబంధనలకు విరుద్ధంగా పనిచేయమని అధికారులపై ఒత్తిడి చేయబోమనీ అన్నారు. స్నేహపూర్వక వాతావరణంలో మనం కలిసి పనిచేసి ప్రజలకు మెరుగైన సేవలు అందిద్దాం అని అన్నారు. ఈ కార్యక్రమంలో జిల్లా కలెక్టర్ రవి పటాన్ శెట్టి ,ఎస్పీ మురళీకృష్ణ జిల్లా అధికారులు పాల్గొన్నారు.
Admin
Rapid TV
మరిన్ని వార్తలు
Developed By :
