రావికమతంలో ట్రాఫిక్ సమస్య
Rapid TV - Andhra Pradesh / Anakapally : రావికమతంలో ట్రాఫిక్ సమస్య రాపిడ్ టివి రావికమతం : మండల కేంద్రం రావికమతంలో ట్రాఫిక్ సమస్య వాహన చోదకులకు, పాదచారులకు సంకటంగా మారింది. రావికమతం మండల కేంద్రం ఇటు బుచ్చయ్యపేట మాడుగుల రోలుగుంట మండలంలోని కొన్ని గ్రామాలకు ప్రధాన వ్యాపార కేంద్రంగా ఉంది. పండగ సమయం కావడంతో ప్రధాన కేంద్రం రద్దీగా మారింది. ఎర్రవాయి ప్రాంతం నుంచి వచ్చే వాహనాలు నర్సీపట్నం చోడవరం వైపు వెళ్లే వాహనాలు మూడు రోడ్లు కూడలిలో రద్దీగా మారాయి. సుదూర ప్రాంతాల నుంచి పల్లె ప్రాంతాలకు వచ్చే వాహనాలు ఇక్కడ ఎక్కువ సమయం నిలిచిపోతున్నాయి. దీనికి ప్రధాన కారణం వ్యాపారులు పూర్తిగా బియన్ రోడ్డుపైనే షాపులు ఏర్పాటు చేయడంతో ఈ పరిస్థితి దాపురించిందని వాహన చోదకులు ప్రజలు అసహనం వ్యక్తం చేస్తున్నారు. గతంలో ఇదే ప్రదేశంలో కారు బీభత్సంతో పలువురు మృతి చెందిన సంఘటన మళ్లీ పునరావతం అవుతుందేమోనని స్థానికులు ఆందోళన చెందుతున్నారు. ఒకప్పుడు చిన్న రోడ్డు ఉన్నప్పుడే ఇక్కడ ట్రాఫిక్కు బాగుండేదని ఇప్పుడు డబల్ రోడ్డు అయిన తర్వాతే ఆంజనేయస్వామి ఆలయ సమీపంలో ట్రాఫిక్ సమస్యలు ఎక్కువయ్యాయని చర్చించుకుంటున్నారు. రోడ్లపై షాపులు పెట్టడంతో ద్విచక్ర వాహనాలు ఆటోలు పూర్తిగా రోడ్లపైనే విడిచిపెట్టి వారి వారి పనులను చక్కబెట్టుకుంటున్నారు. గతంలో పండగ సమయాలలో రావికమతం పోలీస్ స్టేషన్ నుంచి ఒక ఏ ఎస్ఐ క్యాడారు ఒక లేడీ కానిస్టేబుల్ ఒక హోంగార్డు మరో ఇద్దరు కానిస్టేబుల్ తో ఇక్కడ ట్రాఫిక్ ను నియంత్రించేవారు కానీ ఇప్పుడు పరిస్థితి భిన్నంగా ఉంది కనీసం ఒక్క పోలీస్ అధికారి కూడా అక్కడ లేకపోవడంతో ప్రజలు తీవ్ర ఇబ్బందులు ఎదుర్కొంటున్నారు. పోలీస్ అధికారులు చొరవ తీసుకొని సిబ్బందిని ఏర్పాటు చేసి ట్రాఫిక్ ను షాప్ లను క్రమబద్ధీకరించాలని కోరుతున్నారు.
Admin
Rapid TV
మరిన్ని వార్తలు
Developed By :
