చేనేత కార్మికులను అన్ని విధాలుగా ఆదుకుంటాం:: జిల్లా కలెక్టర్ విజయకృష్ణన్
Rapid TV - Andhra Pradesh / Anakapally : అనకాపల్లి రాపిడ్ టీవీ ఆగస్టు 7 :: చేనేత కార్మికులను అన్ని విధాల ఆదుకుంటాం :: జిల్లా కలెక్టర్ విజయ కృష్ణన్ చేనేత వస్త్రాలు ధారణ దేహానికి ఆరోగ్యాన్ని సమకూర్చుతాయని జిల్లా కలెక్టర్ విజయ కృష్ణన్ తెలిపారు. సోమవారం పాయకరావుపేట చేనేత సహకార సంఘ భవనం నందు ఏర్పాటు చేసిన చేనేత వస్త్రాల ప్రదర్శనను ఆమె సందర్శించారు. కలెక్టర్ మాట్లాడుతూ స్వతంత్ర ఉద్యమంలో భాగంగా 1905సం.లో విదేశీ వస్త్రాలను బహిష్కరిస్తూ స్వదేశీ వస్త్రాలను ప్రోత్సహించే ఉద్దేశంతో స్వదేశీ ఉద్యమం నిర్వహించబడిందని, ఆ సందర్భాన్ని పురస్కరించు 2015వ సం. నుండి గౌ. ప్రధాన మంత్రి ప్రతి సంవత్సరం ఆగస్టు 7 తేదీన జాతీయ చేనేత దినోత్సవం గా ప్రకటించినట్లు చెప్పారు. చేనేత కార్మికుల సంక్షేమానికి అన్నివిధాల సహాయ సహకారాలు అందిస్తామని తెలిపారు. సంఘం లోని సీనియర్ చేనేత కార్మికులను సత్కరించారు. ఆప్కో సహాయ సంచాలకులు ఆర్.వి.మురళీకృష్ణ మాట్లాడుతూ మన దేశంలో ప్రాచీన కాలం నుండి చేనేత వస్త్రాలు తయారవుతున్నాయన్నారు. చేనేత కళాకారులు వస్త్రాల నేతలో అనేక రికార్డులను కూడా నెలకొల్పడం జరిగిందన్నారు. ఈ కార్యక్రమంలో చేనేత అభివృద్ధి అధికారి రమణమ్మ, మండల రెవెన్యూ అధికారి, మండల ప్రజాపరిషత్ అధికారి తదితరులు పాల్గొన్నారు.
Admin
Rapid TV
మరిన్ని వార్తలు
Developed By :
