నేషనల్ పవర్ లిఫ్టింగ్ పోటీలలో నాగజ్యోతికి 4 బంగారు పతకాలు
Rapid TV - Andhra Pradesh / Anakapally : RAPID TV నర్సీపట్నం : ఈనెల మూడు నాలుగు తేదీలలో కేరళలోని ఎర్నాకుళం లో జరిగిన 4వ జాతీయ పాన్ ఇండియా మాస్టర్ పవర్ లిప్టింగ్ ఛాంపియన్షిప్ 2025 పోటీలలో అనకాపల్లి జిల్లా నర్సీపట్నం ప్రాంతం కొత్తకోటకు చెందిన పీవీఎం నాగజ్యోతి 4బంగారు పతకాలు కైవసం చేసుకున్నారు. ఈ పోటీలలో 300 మంది క్రీడాకారులు పాల్గొనగా, మహిళల విభాగంలో పాల్గొన్న నాగజ్యోతి బెంచ్ ప్రెస్, డెడ్ లిఫ్ట్, పవర్ లిఫ్టింగ్, ఓవరాల్ ఛాంపియన్షిప్ లలో 4 బంగారు పతకాలు గెలుచుకున్నారు. ఎర్నాకుళం లో జరిగిన కార్యక్రమంలో పాన్ ఇండియా మాస్టర్స్ సంస్థ అధ్యక్షులు దీపుదేవ్,, మిస్టర్ ఇండియా టైటిల్ విన్నర్ వి ఎన్ షాజీ నాగజ్యోతికి బంగారు పతకాలు, ధ్రువ పత్రాలు అందజేశారు. ఈ సందర్భంగా నాగజ్యోతి మాట్లాడుతూ, దీక్ష, పట్టుదల, కఠోర శ్రమ ఉంటే అనుకున్న లక్ష్యాన్ని సాధించవచ్చు అని ఆమె తెలిపారు. కాగా ప్రస్తుతం ఈమె రోలుగుంట జడ్పీ హైస్కూల్ లో ఆంగ్ల ఉపాధ్యాయినిగా పనిచేస్తున్నారు.
Reporter
Rapid TV
మరిన్ని వార్తలు
Developed By :
